O noso obxectivo é achegar a dixitalización ás pequenas empresas dunha maneira sinxela, profesional e actual. Nos últimos anos fomos testemuñas —en moitos casos de forma inesperada— da importancia de ter presenza en internet, especialmente nas redes sociais, e de poder ofrecer servizos e opcións online.

Por iso, ofrecemos a pemes e autónomos a posibilidade de estar conectados cos seus clientes os 365 días do ano, grazas ao mundo dixital e a unha estratexia de marketing online axeitada.

Observando a nosa realidade máis próxima, decatámonos de que moitos empresarios e empresarias locais non coñecen ou non saben utilizar as redes sociais. Pero, sobre todo, detectamos que en moitos casos non saben aproveitar todo o potencial de crecemento que estas ferramentas poden ofrecer ou simplemente non dispoñen do tempo necesario para xestionalas correctamente.

Tendo en conta todos estes factores, os nosos coñecementos como community managers e a nosa constante formación no sector dixital, decidimos poñernos mans á obra. A casualidade fixo que nos atopásemos e que descubrísemos que os nosos perfís profesionais encaixaban á perfección.

Un café e milleiros de WhatsApp despois, decidimos dar vida a Dual Webmedia: un pequeno proxecto cheo de ilusión que esperamos facer moi grande, medrando ao mesmo tempo que os nosos clientes.